Kýzbasstaǵy sot ǵimaratynda atys oryn alyp, sot pristavy mert boldy, sondai-aq áiel adam jaralandy, dep habarlaidy QazAqparat TASS agenttigine silteme jasap.
«Er adam jedel járdem kóliginde qaza tapty, onyń ishi jaralanǵan, aýyr zaqymdaný shogyn alǵandyqtan jaǵdaiy nashar bolatyn», - dep málimdedi baspasóz qyzmetindegiler.
Jaralanǵan áieldiń jaǵdaiy aýyr.
«Áielge ota jasap jatyr, dárigerler kúresýde, biraq ota kúrdeli bolady»,- dedi agenttik ókili.
Onyń aitýynsha, ota birneshe saǵatqa sozylady. Áieldiń betine oq tigen, sonymen qatar ol aiaǵynyń tómengi jaǵynan jaraqat alǵan.
Aimaqtyń quqyq qorǵaý organdary derekkózderiniń biri atysty sottalýshylarynyń biri jasaýy múmkin dedi.
«Aldyn ala boljam boiynsha, oq atqan adam – sottalýshy, sot otyrysy kezinde oǵan áldene unamaǵan, ol syrtqa shyǵyp, kóliginen qarý alyp, qaityp kelip ony toqtatpaq bolǵan pristavqa oq atty. Sot zalyna kelip taǵy bir adamǵa oq jaýdyrdy, boljam boiynsha, ol – kýáger», - dedi agenttik ókili.
Oq atqan adam 1975 jyly dúniege kelgen, ol ustaldy.
Novokýznetsktegi Entýziastar kóshesindegi ǵimaratta bolǵan atys týraly habarlama jedel járdem qyzmetine beisenbi kúni 9:20-da túsken.
