كۋزباسستاعى سوت عيماراتىندا اتىس ورىن الىپ, سوت پريستاۆى مەرت بولدى, سونداي-اق ەيەل ادام جارالاندى, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«ەر ادام جەدەل جەردەم كٶلٸگٸندە قازا تاپتى, ونىڭ ٸشٸ جارالانعان, اۋىر زاقىمدانۋ شوگىن العاندىقتان جاعدايى ناشار بولاتىن», - دەپ مەلٸمدەدٸ باسپاسٶز قىزمەتٸندەگٸلەر.
جارالانعان ەيەلدٸڭ جاعدايى اۋىر.
«ەيەلگە وتا جاساپ جاتىر, دەرٸگەرلەر كٷرەسۋدە, بٸراق وتا كٷردەلٸ بولادى»,- دەدٸ اگەنتتٸك ٶكٸلٸ.
ونىڭ ايتۋىنشا, وتا بٸرنەشە ساعاتقا سوزىلادى. ەيەلدٸڭ بەتٸنە وق تيگەن, سونىمەن قاتار ول اياعىنىڭ تٶمەنگٸ جاعىنان جاراقات العان.
ايماقتىڭ قۇقىق قورعاۋ ورگاندارى دەرەككٶزدەرٸنٸڭ بٸرٸ اتىستى سوتتالۋشىلارىنىڭ بٸرٸ جاساۋى مٷمكٸن دەدٸ.
«الدىن الا بولجام بويىنشا, وق اتقان ادام – سوتتالۋشى, سوت وتىرىسى كەزٸندە وعان ەلدەنە ۇناماعان, ول سىرتقا شىعىپ, كٶلٸگٸنەن قارۋ الىپ, قايتىپ كەلٸپ ونى توقتاتپاق بولعان پريستاۆقا وق اتتى. سوت زالىنا كەلٸپ تاعى بٸر ادامعا وق جاۋدىردى, بولجام بويىنشا, ول – كۋەگەر», - دەدٸ اگەنتتٸك ٶكٸلٸ.
وق اتقان ادام 1975 جىلى دٷنيەگە كەلگەن, ول ۇستالدى.
نوۆوكۋزنەتسكتەگٸ ەنتۋزياستار كٶشەسٸندەگٸ عيماراتتا بولعان اتىس تۋرالى حابارلاما جەدەل جەردەم قىزمەتٸنە بەيسەنبٸ كٷنٸ 9:20-دا تٷسكەن.
