Foto: Almaty ákimdigi
Almaty qalasynyń Memlekettik qýyrshaq teatryna «akademiialyq» mártebe berildi. Bul sheshimdi QR Premer-Ministri Oljas Bektenov 2025 jyly 2 jeltoqsanda qabyldady, dep habarlaidy Ult.kz.
1935 jyly qurylǵan teatrǵa biyl 90 jyl tolady. Osy ýaqyt ishinde ol qalanyń mańyzdy mádeni oshaqtarynyń birine ainaldy. Teatr qorjynynda qazaq halyq ertegilerine jáne álem ádebietiniń úzdik shyǵarmalaryna negizdelgen qoiylymdar erekshe oryn alady. Eresek kórermenderge arnalǵan filosofiialyq jáne dramalyq spektaklder de usynylady. Búginde kórermeniniń suranysyna sai repertýar únemi jańaryp otyrady.
Teatrdyń eń iri mádeni jobalarynyń biri – halyqaralyq deńgeide tanylǵan Almaty Puppet Festival festivali. Bul is-shara Almatyny qýyrshaq teatry óneriniń mańyzdy ortalyqtarynyń birine ainaldyryp, álemniń túkpir-túkpirinen teatr ujymdaryn jinaidy. Sonymen qatar teatr halyqaralyq festivalderge belsendi qatysyp, qazaqstandyq ónerdi shetelderge pash etip keledi.
«Akademiialyq» mártebeniń berilýi – teatrdyń ulttyq mádenietti damytýǵa, jas urpaqty rýhani tárbieleýge qosqan kópjyldyq eńbeginiń joǵary baǵalanýy.
