Almaty turǵyny ózin soqqyǵa jyqqan kúieýi jazadan qutylyp kete me dep qorqady, - dep habarlaidy Tengrinews.kz agenttigi Astana arnasyna silteme jasap.
Almatylyq áiel kúieýi alǵash ret osy kóktemde otbasylyq janjaldan keiin urǵanyn aitady. Áieldiń aitýynsha, sodan keiin uryp-soǵý jiilep ketken. Kúieýi júkti áieldi páterge jaýyp, bes kún qatarynan zorlyq jasap, uryp-soǵyp, vannadaǵy sýǵa batyrǵan.
"Ishimnen teýip, sýǵa batyrdy, bailap ustady. Sol kúnder esimde, bilesiz be, sol bes kúnde tezirek óltirse eken dep tiledim. Ákimshilik sot qaýlysynda ol shynymen de, esirtkilik zat áserinde bolǵany kórsetilgen", - dedi zorlyq-zombylyq qurbany.
Áiel politsiiaǵa aryz jazǵan, alaida onyń aitýynsha, bul uzaq ýaqyt boiy qaralmaǵan. Birneshe aidan keiin ǵana qylmystyq is qozǵalǵan. Alaida kúieýi bostandyqta. Onyń aitýynsha, kúieýi ony jii qorqytady.
Politsiia oqiǵanyń barlyq mán-jaiy anyqtalsa, er adam jazalanatynyn habarlady.
"Bostandyq aýdanynyń politsiia bólimi QR QK-niń 110-baby "Azaptaý" boiynsha qylmystyq is qozǵady. Qazirgi ýaqytta istiń mán-jaiyn anyqtaýǵa jáne kináli adamdy qylmystyq jaýapkershilikke tartýǵa baǵyttalǵan jedel-izdestirý sharalary kesheni júrgizilip jatyr", - dedi Politsiia departamentiniń ókili Saltanat Ázirbek.
Bul rette zańgerler sońǵy kezderi turmystyq zorlyq-zombylyq oqiǵalary jiilep ketkenin aitady. Olar mundai zańsyz áreketter úshin jazany qataityp, taraptardyń tatýlasýyna zańmen tyiym salýdy usynyp otyr.
Al er adam tek eki jylǵa deiin bas bostandyǵynan aiyrylýy múmkin. Tergeý qashan aiaqtalatyny ázirge belgisiz.
