Qostanaida belgili boksshy Aslan Muqanovqa qatysty sot isi qaraldy, dep habarlaidy "Ult aqparat" oblystyq sottyń baspasóz qyzmetine silteme jasap.
Eske sala keteiik, boksshy Aslan Muqanov 2019 jylǵy shilde aiynda qamaýǵa alynǵan. Oǵan óziniń kúieý balasyn óltirgeni úshin QR QK 99-baby boiynsha qylmystyq is qozǵaldy. Búgin qylmystyq is boiynsha mamandandyrylǵan aýdanaralyq sotta boksshy qylmystyq jaýaptan bosatyldy.
«Ótken jyldyń shilde aiynda qaryndasynyń kúieýin óltirdi degen kúdikpen sportshy qolǵa tústi. Búgin qylmystyq ister jónindegi mamandandyrylǵan sotta oǵan úkim shyqty. Sot ony aqyl-esi durys emes dep tanydy.
«Sot Aslan Saparǵaliuly Muqanovtyń qabiletsiz jaǵdaida Qazaqstan Respýblikasy Qylmystyq kodeksiniń 99-baby 2-bóliginiń 3-tarmaǵynda kórsetilgen qylmystyq áreketti jasaǵanyn dáleldedi. Ony iske qabiletsiz dep taný týraly qaýly shyǵaryldy. Muqanov QR QK 16-baby negizinde qoǵamǵa qaýipti áreketti jasaǵan kezde esi kiresili-shyǵasyly jaǵdaida bolýyna bailanysty qylmystyq jaýaptan bosatylyp otyr» delingen sot úkiminde.
Aslan Muqanovqa Almaty oblysyndaǵy sot-psihiatriialyq statsionarynda májbúrlep emdeý sharasy bekitildi.
Boksshynyń sozylmaly psihikalyq aýrýy bary anyqtaldy. Ol qylmys kezinde óz is-áreketine jaýap bermegenin aitty.
