Túrik qaǵandyǵyn qaita dáýirletken uly Qutlyq Elteris qaǵannyń kesheni tabyldy. Bul týraly búgin óziniń Facebook paraqshasynda Halyqaralyq túrki akademiiasynyń prezidenti Darhan Qydyráli jazdy, dep habarlaidy "Ult aqparat".
"Súiinshi! Hanǵai jotasynda, Ótúken aimaǵynda keremet jańalyq ashyldy.
Halyqaralyq Túrki akademiiasy men Mońǵoliia Ǵylym akademiiasy Arheologiia institýtynyń birikken ǵylymi arheologiialyq ekspeditsiiasy Nomǵon alqabynda Kúltegin men Bilge qaǵannyń ákesi, Túrik qaǵandyǵyn qaita dáýirletken uly Qutlyq Elteris qaǵannyń kesheni tabyldy. Saltanatty keshende tabylǵan bitiktasta tarihymyzǵa betburys jasaityn túrk jáne soǵdy jazýymen mátinder bar!
Qalǵan jańalyqty erteń Ulanbatyrdaǵy Baspasóz ortalyǵynda ótetin jiynda jariialaimyz! Barshaǵa qutty bolsyn!" - dep jazdy ol.
