Halyqaralyq túrki akademiiasy Mońǵoliia astanasy Ulanbatyrda beinekonferentsiia arqyly baspasóz májilisin ótkizip, kórshi eldegi Nomǵon alqabynda júrgizgen ǵylymi-arheologiialyq ekspeditsiianyń alǵashqy nátijeleri týraly málimet usyndy, dep habarlaidy QazAqparat.
«Búgin sizdermen bizdiń jazý mádenietimizdiń tarihyn tereńdetetin, alǵash ret «túrk» degen sóz kezdesetin Kúltegin men Bilge qaǵannyń ákesi Qutlyq qaǵanǵa bailanysty úlken jańalyqty bóliskeli otyrmyz», - dep bastady Halyqaralyq túrki akademiiasynyń prezidenti Darhan Qydyráli.
Sondai-aq, akademiia tarapynan Mońǵoliia jerindegi túrki murasyn izdestirý jumystary 2015 jyldan bastaý alatynyn, pandemiia kezinde saiabyr tartqan jumystar qaita jandanǵanyn eske salyp ótti.
«Bul – úlken jańalyq. Kúltegin men Bilge qaǵannyń kesheni tabylǵan kez ben arada ótken ǵasyrǵa jýyq ýaqyttan bergi eń úlken jańalyqtyń biri dep esepteimiz jáne bizdiń tarihymyzǵa zor úlesi bolatynyna eshqandai daý joq. Bul – ekspeditsiiada tabylyp otyrǵan úlken olja», - dedi akademiia prezidenti.
Aita keteiik, Mońǵoliia jerindegi Nomǵon ekspeditsiiasy 2019 jyly bastalǵan. Pandemiiadan keiin qaita jandanǵan ekspeditsiia biyl qundy olja taýyp otyr. Kúltegin men Bilge qaǵannyń ákesi, Túrik qaǵandyǵyn qaita jańǵyrtýshy uly Qutlyq Elteris qaǵannyń kesheni tabyldy.
