Tótenshe jaǵdailar ministriniń el aldyndaǵy esebi kezinde súńgýir qutqarýshynyń anasy qutqarýshylardyń ailyǵyn ósirý qanshalyqty múmkin ekenin surady, dep habarlaidy QazAqparat.
«Jalaqyny kóterý týraly aitsaq, qutqarýshy súńgýirler jedel-qutqarý jasaǵyndaǵy azamattyq qyzmetshiler sanatyna kiredi. 2019 jyly osy sanattaǵy mamandardyń ailyǵyn 30%-ǵa deiin kóterdik. Qazir ortasha jalaqy – 170 myń teńge. Men bul óte az ekenin túsinemin. Sondyqtan jalaqyny osy sanattaǵy qyzmetkerlerdiń de eńbekaqysyn kezeń-kezeńmen kóbeitý kózdelip otyr. Biraq budan bylai ailyǵy ósetin mamandardy, ásirese áskeri sheni bar sala qyzmetshilerdi attestattaýdan ótkizip otyramyz», - dedi Iýrii Ilin.
Sondai-aq, ministr eseptik kezdesýden keiingi qorytyndy brifingide Shyǵys Qazaqstannyń Ridder qalasynda bolǵan alapat órtti sóndirýshilerdi materialdyq turǵyda yntalandyrý múmkindigi qarastyrylatynyn aitty.
«Keshe meniń buiryǵymmen atalǵan órtti sóndirýge belsendi qatysqan 14 erikti marapattaldy. Erteń biz Ridder qalasynda órt máselesine qatysty jedel keńes ótkizemiz. Eger jergilikti departament basshylyǵy jeke quramdy yntalandyrýǵa usynsa, kótermeleý jasaimyz», - dedi vedomstvo basshysy.
