تٶتەنشە جاعدايلار مينيسترٸنٸڭ ەل الدىنداعى ەسەبٸ كەزٸندە سٷڭگۋٸر قۇتقارۋشىنىڭ اناسى قۇتقارۋشىلاردىڭ ايلىعىن ٶسٸرۋ قانشالىقتى مٷمكٸن ەكەنٸن سۇرادى, دەپ حابارلايدى قازاقپارات.
«جالاقىنى كٶتەرۋ تۋرالى ايتساق, قۇتقارۋشى سٷڭگۋٸرلەر جەدەل-قۇتقارۋ جاساعىنداعى ازاماتتىق قىزمەتشٸلەر ساناتىنا كٸرەدٸ. 2019 جىلى وسى ساناتتاعى مامانداردىڭ ايلىعىن 30%-عا دەيٸن كٶتەردٸك. قازٸر ورتاشا جالاقى – 170 مىڭ تەڭگە. مەن بۇل ٶتە از ەكەنٸن تٷسٸنەمٸن. سوندىقتان جالاقىنى وسى ساناتتاعى قىزمەتكەرلەردٸڭ دە ەڭبەكاقىسىن كەزەڭ-كەزەڭمەن كٶبەيتۋ كٶزدەلٸپ وتىر. بٸراق بۇدان بىلاي ايلىعى ٶسەتٸن مامانداردى, ەسٸرەسە ەسكەري شەنٸ بار سالا قىزمەتشٸلەردٸ اتتەستاتتاۋدان ٶتكٸزٸپ وتىرامىز», - دەدٸ يۋريي يلين.
سونداي-اق, مينيستر ەسەپتٸك كەزدەسۋدەن كەيٸنگٸ قورىتىندى بريفينگٸدە شىعىس قازاقستاننىڭ ريددەر قالاسىندا بولعان الاپات ٶرتتٸ سٶندٸرۋشٸلەردٸ ماتەريالدىق تۇرعىدا ىنتالاندىرۋ مٷمكٸندٸگٸ قاراستىرىلاتىنىن ايتتى.
«كەشە مەنٸڭ بۇيرىعىممەن اتالعان ٶرتتٸ سٶندٸرۋگە بەلسەندٸ قاتىسقان 14 ەرٸكتٸ ماراپاتتالدى. ەرتەڭ بٸز ريددەر قالاسىندا ٶرت مەسەلەسٸنە قاتىستى جەدەل كەڭەس ٶتكٸزەمٸز. ەگەر جەرگٸلٸكتٸ دەپارتامەنت باسشىلىعى جەكە قۇرامدى ىنتالاندىرۋعا ۇسىنسا, كٶتەرمەلەۋ جاسايمىز», - دەدٸ ۆەدومستۆو باسشىسى.
