Respýblikalyq jedel-qutqarý jasaǵynyń qutqarýshylary avtokólikte qysylyp qalǵan er adamdy qutqardy, dep habarlaidy "Ult aqparat" vedomstvonyń baspasóz qyzmetine silteme jasap.
Keshe túnde Respýblikalyq jedel-qutqarý jasaǵynyń kezekshi-dispetcherlik bólimine Almaty oblysynyń Irgeli kentinde soqtyǵysqan eki avtokólik týraly habar kelip tústi.
«Eki kólikte de jaraqat alǵan adamdar bolǵan. Zardap shekken úsh adamdy jedel meditsinalyq járdem qyzmetkerleri shyǵaryp, aýrýhanaǵa jatqyzdy. Aldyńǵy oryndyqtaǵy tórtinshi jolaýshy qysylyp qalǵan, dárigerler er adamdy óz betimen shyǵaryp ala almady. Oqiǵa ornyna Respýblikalyq jedel-qutqarý jasaǵy qutqarýshylarynyń jedel toby shaqyryldy» delingen habarlamada.
Qutqarýshylar gidravlikalyq qural kómegimen er adamdy avtokóliktiń salonynan alyp shyqty. Sosyn ony jedel meditsinalyq járdem brigadasyna jetkizdi.
