رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى اۆتوكٶلٸكتە قىسىلىپ قالعان ەر ادامدى قۇتقاردى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
كەشە تٷندە رەسپۋبليكالىق جەدەل-قۇتقارۋ جاساعىنىڭ كەزەكشٸ-ديسپەتچەرلٸك بٶلٸمٸنە الماتى وبلىسىنىڭ ٸرگەلٸ كەنتٸندە سوقتىعىسقان ەكٸ اۆتوكٶلٸك تۋرالى حابار كەلٸپ تٷستٸ.
«ەكٸ كٶلٸكتە دە جاراقات العان ادامدار بولعان. زارداپ شەككەن ٷش ادامدى جەدەل مەديتسينالىق جەردەم قىزمەتكەرلەرٸ شىعارىپ, اۋرۋحاناعا جاتقىزدى. الدىڭعى ورىندىقتاعى تٶرتٸنشٸ جولاۋشى قىسىلىپ قالعان, دەرٸگەرلەر ەر ادامدى ٶز بەتٸمەن شىعارىپ الا المادى. وقيعا ورنىنا رەسپۋبليكالىق جەدەل-قۇتقارۋ جاساعى قۇتقارۋشىلارىنىڭ جەدەل توبى شاقىرىلدى» دەلٸنگەن حابارلامادا.
قۇتقارۋشىلار گيدراۆليكالىق قۇرال كٶمەگٸمەن ەر ادامدى اۆتوكٶلٸكتٸڭ سالونىنان الىپ شىقتى. سوسىن ونى جەدەل مەديتسينالىق جەردەم بريگاداسىنا جەتكٸزدٸ.
