Foto: informburo.kz
Bas prokýratýra politsiia ǵimarattary men QAJK mekemelerindegi tekserýler týraly aitty, - dep habarlaidy "Ult aqparat" Bas prokýratýranyń baspasóz qyzmetine silteme jasap.
"Azaptaýdyń aldyn alý boiynsha mańyzdy qadamdardyń biri - politsiianyń penitentsiarlyq mekemeleri men qyzmettik úi-jailarynda úzdiksiz beinebaqylaýdy engizý.
Bas prokýratýra politsiia ǵimarattary men QAJK mekemelerindegi tekserý kezinde beinekameralarmen qamtylmaǵan 5812 ýchaske men úi-jailar jáne 900 jumys istemei turǵan kamera anyqtady.
Prokýratýranyń usynysy boiynsha "Kórinbeitin aimaqtardy" boldyrmaý úshin 3783 qosymsha beinekamera ornatyldy. Ǵimarattardy tolyq jaraqtandyrýdy jyl aiaǵyna deiin aiaqtaý josparlanyp otyr", - delingen habarlamada.
Vedomstvo málimetinshe, aýmaqtyq politsiia departamentteriniń, QAJK jáne IIM ortalyq apparatynyń 19 basshysy tártiptik jaýapkershilikke tartylǵan.
"Osy jáne basqa da politsiia qyzmetkerleri arasynda azaptaýdyń aldyn alýdyń máseleleri Bas Prokýrordyń orynbasary Bolat Dembaevtyń qatysýymen Ishki ister ministrliginde ótken vedomstvoaralyq keńeste talqylandy.
Ol qazirgi ýaqytta 88 azamatqa qatysty tergeýdiń ruqsat etilmegen ádisterin qoldanǵany úshin kúshtik organdarynyń 39 qyzmetkeri qylmystyq jaýaptylyqqa tartylatynyn atap ótti.
Ministrlik basshylyǵyna psihologiialyq testileý ótkizý arqyly azaptaýdy qoldanýǵa beiim qyzmetkerlerdi aldyn ala anyqtaý usynyldy" - delingen Bas prokýratýra habarlamasynda.
