Almaty oblysynyń politseileri kúshikti qapqa salyp órtegenderdi izdestirýde, dep habarlaidy "Ult aqparat".
Áleýmettik jelide jantúrshigerlik video taralýda.
Beinejazba avtorlary qapqa salynǵan kúshiktiń ústine benzin quiyp óltiretinin aitady. Keiin osy sumdyq isti qoldarymen jasap, qýana videoǵa túsiredi. Órtengen tirshilik iesiniń jan daýysy shyǵyp, qappen qosa júgire jóneledi.
Almaty oblystyq Politsiia departamentiniń baspasóz qyzmeti bul jaitqa bailanysty málimet berdi.
«Atalǵan fakti QR Qylmystyq kodeksiniń 316-baby iaǵni, janýarlarǵa qatygezdik tanytý boiynsha tirkeldi. Qazirgi ýaqytta Alakól aýdanynda qylmysty jasaǵandardy anyqtaý jáne olardy ustaý boiynsha keshendi tergeý sharalary júrip jatyr. Olar mindetti túrde zań aldynda jaýap beredi»,- delingen vedomstvonyń taratqan habarlamasynda.
