Qostanai oblysynyń úsh aýylynda qus tumaýyna bailanysty karantin engizildi. Ony oblystyq veterinariia basqarmasynyń basshysy Samat Qaliev rastady, dep habarlaidy "Ult aqparat".
«Sarykól aýdanynyń Maiak aýyly, Uzynkól aýdanynyń Sokol jáne Meńdiqara aýdanynyń Krasnaia Presnia aýyldary 21 kúnge karantinge jabyldy. Bul aýyldarda qus tumaýy tirkeldi. Barlyǵy 400-ge jýyq qus qyrylyp qaldy. Ólgen qustardyń bári arnaiy oryndarda órteledi. Qazir mamandar tiisti sharalar júrgizip jatyr. Iri qus fabrikalaryndaǵy jaǵdai boiynsha resmi habar beremiz», - deidi basqarma basshysy.
Jalpy, oblysta joǵary patogendi qus tumaýyna qarsy 21 myń dana vaktsina alynǵan. Egý jumystary bastalyp ketti.
Bizge belgili málimet boiynsha Arqalyq qus fabrikasynda da júzdegen taýyq órtelgen. Qazir óńirde arnaiy komissiia jumys istep jatyr.
Arqalyq qalasynyń ákimi Qairat Ábishevtiń aitýynsha, mamandar aýmaqtaǵy ózen-kólderdiń ainalasyn da tekserip shyqqan.
