قوستاناي وبلىسىنىڭ ٷش اۋىلىندا قۇس تۇماۋىنا بايلانىستى كارانتين ەنگٸزٸلدٸ. ونى وبلىستىق ۆەتەرينارييا باسقارماسىنىڭ باسشىسى سامات قاليەۆ راستادى, دەپ حابارلايدى "ۇلت اقپارات".
«سارىكٶل اۋدانىنىڭ ماياك اۋىلى, ۇزىنكٶل اۋدانىنىڭ سوكول جەنە مەڭدٸقارا اۋدانىنىڭ كراسنايا پرەسنيا اۋىلدارى 21 كٷنگە كارانتينگە جابىلدى. بۇل اۋىلداردا قۇس تۇماۋى تٸركەلدٸ. بارلىعى 400-گە جۋىق قۇس قىرىلىپ قالدى. ٶلگەن قۇستاردىڭ بەرٸ ارنايى ورىنداردا ٶرتەلەدٸ. قازٸر ماماندار تيٸستٸ شارالار جٷرگٸزٸپ جاتىر. ٸرٸ قۇس فابريكالارىنداعى جاعداي بويىنشا رەسمي حابار بەرەمٸز», - دەيدٸ باسقارما باسشىسى.
جالپى, وبلىستا جوعارى پاتوگەندٸ قۇس تۇماۋىنا قارسى 21 مىڭ دانا ۆاكتسينا الىنعان. ەگۋ جۇمىستارى باستالىپ كەتتٸ.
بٸزگە بەلگٸلٸ مەلٸمەت بويىنشا ارقالىق قۇس فابريكاسىندا دا جٷزدەگەن تاۋىق ٶرتەلگەن. قازٸر ٶڭٸردە ارنايى كوميسسييا جۇمىس ٸستەپ جاتىر.
ارقالىق قالاسىنىڭ ەكٸمٸ قايرات ەبٸشەۆتٸڭ ايتۋىنشا, ماماندار اۋماقتاعى ٶزەن-كٶلدەردٸڭ اينالاسىن دا تەكسەرٸپ شىققان.
