Arqalyq qalasynda jumysy turalap qalǵan «Agrointerqus» JShS jumysyn qaita jandandyrdy, dep habarlaidy "Ult aqparat".
Buǵan deiin habarlaǵanymyzdai, Arqalyq qalasyndaǵy qala quraýshy kásiporyn «Agrointerqus» JShS jumysyn ýaqytsha toqtatqan bolatyn. Onyń toqtap qalýyna qus tumaýy sebep boldy. Kásiporynnyń qyzmetin qaita jalǵastyrý úshin kemi bir jyl qajet bolǵan.
Alaida oblys ákiminiń aitqandai, Arqalyq qus fabrikasynyń qyzmeti qaita jandandy.
«Qus tumaýyna qarsy veterinariialyq joiý is-sharalary ýaqytyly júrgizildi. Fabrikaǵa jańadan balapandar ákelindi. Jaqyn arada dúkenderde Arqalyqtyń sapaly jáne qoljetimdi jumyrtqasy paida bolady. Buǵan ýáde etemin. Jalpy qus fabrikasyn jańǵyrtý jáne mal sharýashylyǵy keshenin salý boiynsha AÓK salasynda 2 jobany qolǵa alyp otyrmyz. Qostanai aýdanynda qýaty jylyna 2 myń tonnaǵa deiin broiler etin óndiretin agroónerkásiptik keshen iske qosyldy», - dedi Arhimed Muhambetov halyqqa esep berý kezdesýinde.
Aita keteiik, Arqalyqtaǵy qus fabrikasy 1970 jyldan beri jumys istep keledi. 1992 jyly onyń toqtatylyp, 2008 jyly qaita ashyldy. «Agrointerqus» kásipornynda 220 adamǵa jumys istep kelgen. Fabrika jylyna 120 mln dana jumyrtqa óndirip, naryqqa shyǵaryp otyrdy.
Jalpy Qostanai oblysynyń kásipkerlikti qoldaý kartasyna jalpy somasy 230 mlrd teńge bolatyn 18 joba engizildi. Nátijesinde 2,2 myńnan astam jumys oryny ashylady.
