Qazaqstan qurylysshylary qaýymdastyǵynyń tóraǵasy Viktor Mikriýkov turǵyn úi baǵasynyń ósý úrdisi týraly pikir bildirdi, dep habarlaidy QazAqparat.
«Kóptegen adamdar turǵyn úi baǵasy tómendeidi dep aityp júr. 2020 jyldan bastap biz baǵanyń turaqty túrde óskenin kórip otyrmyz. Bul trendter ártúrli baǵyttarǵa yqpal etedi. Osyndai negizgi trendterdiń biri – qurylys materialdarynyń baǵasy. Ekinshisi, memlekettik organdardyń, ákimdikterdiń sheshimi. Shartty túrde, elorda men Almaty ákimdigi qurylys kólemin tómendetýdi uiǵarsa, ol birden baǵaǵa áser etedi. Úi salýshylar shyǵyndardy baǵany arttyrý arqyly óteidi. Bul logikalyq mehanizm. Qurylys salasyndaǵy baǵa belgileý men retteý tásilderi neǵurlym jumsaq bolýy tiis jáne biznes pen memleket kollaboratsiiasynda talqylanýy qajet», - dep túsindirdi Viktor Mikriýkov elordada ótken konferentsiiada.
Buǵan deiin Viktor Mikriýkov ipotekalyq kreditteý naryǵyndaǵy jaǵdai týraly aityp bergen edi.
Spikerdiń aitýynsha, ipotekalyq baǵdarlamalardyń jabylýyna bailanysty naryqta satylymnyń tómendeýi baiqalady.
