Qazaqstan qurylysshylar odaǵynyń otyrysynda QR Bilim jáne ǵylym ministrliginiń janyndaǵy «Adal bilim» jobalyq keńsesiniń sarapshysy Liliia Ispenbetova qurylysshylardyń tapshylyǵy týraly málimet berdi, dep habarlaidy QazAqparat.
«Byltyr oqý bitirgen 144 myń túlektiń 8700-i qurylys mamandyqtaryn meńgergen. Iaǵni, 100% - dyń tek 6% - yn qurylys salasynyń túlekteri quraidy», - dedi Liliia Ispenbetova Qazaqstan Qurylysshylar odaǵynyń otyrysynda.
Onyń aitýynsha, jyl saiyn qurylys salasynyń mamandaryn jaldaýǵa 450 mlrd teńgeden astam aqsha shyǵyndalady.
«Aǵymdaǵy qajettilik 242 myń mamandy quraidy. Jyl saiyn maman jaldaýǵa 468 mlrd teńge jumsalady. 2020 jylǵy statistika boiynsha áýrleshilerge 1600 bos jumys orny bolǵan. Al joǵary oqý oryndary 203 maman ǵana daiarlap shyǵarǵan. Sonda 1384 bos orynǵa 353 kásibi maman shyǵarylǵan. Sol siiaqty betonshylardyń 2615 bos orynǵa tek 15 adam keledi», - dedi sarapshy.
Onyń aitýynsha, Liliia Ispenbetova eńbek naryǵynda qurylys salasynyń 277 mamandyǵy boiynsha adam jetispeidi.
