قازاقستان قۇرىلىسشىلار وداعىنىڭ وتىرىسىندا قر بٸلٸم جەنە عىلىم مينيسترلٸگٸنٸڭ جانىنداعى «ادال بٸلٸم» جوبالىق كەڭسەسٸنٸڭ ساراپشىسى ليلييا يسپەنبەتوۆا قۇرىلىسشىلاردىڭ تاپشىلىعى تۋرالى مەلٸمەت بەردٸ, دەپ حابارلايدى قازاقپارات.
«بىلتىر وقۋ بٸتٸرگەن 144 مىڭ تٷلەكتٸڭ 8700-ٸ قۇرىلىس ماماندىقتارىن مەڭگەرگەن. ياعني, 100% - دىڭ تەك 6% - ىن قۇرىلىس سالاسىنىڭ تٷلەكتەرٸ قۇرايدى», - دەدٸ ليلييا يسپەنبەتوۆا قازاقستان قۇرىلىسشىلار وداعىنىڭ وتىرىسىندا.
ونىڭ ايتۋىنشا, جىل سايىن قۇرىلىس سالاسىنىڭ ماماندارىن جالداۋعا 450 ملرد تەڭگەدەن استام اقشا شىعىندالادى.
«اعىمداعى قاجەتتٸلٸك 242 مىڭ ماماندى قۇرايدى. جىل سايىن مامان جالداۋعا 468 ملرد تەڭگە جۇمسالادى. 2020 جىلعى ستاتيستيكا بويىنشا ەۋرلەشٸلەرگە 1600 بوس جۇمىس ورنى بولعان. ال جوعارى وقۋ ورىندارى 203 مامان عانا دايارلاپ شىعارعان. سوندا 1384 بوس ورىنعا 353 كەسٸبي مامان شىعارىلعان. سول سيياقتى بەتونشىلاردىڭ 2615 بوس ورىنعا تەك 15 ادام كەلەدٸ», - دەدٸ ساراپشى.
ونىڭ ايتۋىنشا, ليلييا يسپەنبەتوۆا ەڭبەك نارىعىندا قۇرىلىس سالاسىنىڭ 277 ماماندىعى بويىنشا ادام جەتٸسپەيدٸ.
