Foto: Ónerkásip jáne qurylys ministrligi
Ónerkásip jáne qurylys ministri Qanat Sharlapaev tasqynnan búlingen úilerdi sapaly salýdy tapsyrdy, - dep habarlaidy «Ult aqparat» ministrlikke silteme jasap.
Vedomstvo basshysy Batys Qazaqstan oblysyna jumys saparymen bardy. Onda Qanat Sharlapaev tasqynnan búlingen úilerdiń qurylysy qalai júrip jatqanyn tekserdi.
Biyl qyrkúiekte Qaratóbe, Syrym jáne Terekti aýdandarynda úilerdiń qurylysy aiaqtalady dep josparlanyp otyr.
"Qaratóbe aýdanynda tabiǵi apattan 97 úi zardap shekse, onyń 90 úii turýǵa jaramsyz, 7 úi jóndeý kerek. Búginde 90 úi salynyp jatyr: 72 úi – jańa alańda, 18 úi – burynǵy telimderde.
Syrym aýdanynda tasqynnan 257 úi búlingen: 114 baspana turýǵa jaramsyz, 149 úidi jónde kerek. 114 úi salynyp jatyr: 51 úi – jańa jer teliminde, 63 úi – burynǵy jer teliminde.
Terekti aýdanynda 45 úi búlingen: 23 úi turýǵa jaramsyz, 21 úi
jóndeýdi qajet etedi, 1 baspana satyp alyndy. Jańa jer teliminde 18 úi salynyp jatyr", - dep jazylǵan habarlamada.
Nysandardy tekserý barysynda ministr tasqynnan búlingen úilerdi sapaly salýdy jáne qurylys materialdarymen tolyq qamtamasyz etýdi tapsyrdy.
Aita keteiik, buǵan deiin Úkimitte tasqynnan 4,3 myń úi turýǵa jaramsyz bolyp qalǵany habarlanǵan edi.
Sondai-aq tabiǵi apattan zardap shekkken 350-den asa otbasy baspanaly boldy.
