Jalpy qurylys materialdarynyń ishki naryǵy 2,6 mlrd AQSh dollaryn qurady. Bul týraly QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Biyl 11 aidyń qorytyndysynda qurylys materialdary óndirisi 9,2 paiyzǵa ósip, 820,2 mlrd teńgeni qurady. Óńdeýshi ónerkásip qurylymynda sala úlesi shamamen 5,5 paiyzdy quraidy. Salada 2 442 kásiporyn bar, olarda 26 myńǵa jýyq adam jumys isteidi», - dedi B. Atamqulov Úkimet otyrysynda.
Onyń aitýynsha, 2021 jyldyń birinshi jartyjyldyǵynda saladan el ekonomikasyna 33,8 mlrd teńge salyq tústi. Bul ótken jylǵydan 1,3 ese joǵary kórsetkish.
«Jalpy qurylys materialdarynyń ishki naryǵy 2,6 mlrd AQSh dollaryn quraidy (2021 jyldyń 11 aiynyń qorytyndysy boiynsha). Onyń ishinde otandyq óndiris úlesi - 60% ($1,6 mlrd), import - 40% ($1 mlrd). Kórip otyrǵanymyzdai, otandyq óndirýshiler ishki naryqtyń beton, tsement, qabyrǵa materialdary siiaqty bazalyq qurylys materialdaryna qajettiligin tolyq óteidi. Barlyǵynda derlik qurylysta jáne jóndeý jumystarynda qazaqstandyq gipsokarton men qurǵaq qurylys qospalary qoldanylady. Alaida, árleý segmentiniń qosylǵan quny joǵary taýarlary importqa táýeldi bolyp otyr. Ádette, bul árleý materialdary, tusqaǵazdar, linoleým, jylý oqshaýlaǵysh materialdar, sanfaians jáne shyny buiymdary», - dedi ministr.
