جالپى قۇرىلىس ماتەريالدارىنىڭ ٸشكٸ نارىعى 2,6 ملرد اقش دوللارىن قۇرادى. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ مەلٸم ەتتٸ, دەپ حابارلايدى قازاقپارات.
«بيىل 11 ايدىڭ قورىتىندىسىندا قۇرىلىس ماتەريالدارى ٶندٸرٸسٸ 9,2 پايىزعا ٶسٸپ, 820,2 ملرد تەڭگەنٸ قۇرادى. ٶڭدەۋشٸ ٶنەركەسٸپ قۇرىلىمىندا سالا ٷلەسٸ شامامەن 5,5 پايىزدى قۇرايدى. سالادا 2 442 كەسٸپورىن بار, ولاردا 26 مىڭعا جۋىق ادام جۇمىس ٸستەيدٸ», - دەدٸ ب. اتامقۇلوۆ ٷكٸمەت وتىرىسىندا.
ونىڭ ايتۋىنشا, 2021 جىلدىڭ بٸرٸنشٸ جارتىجىلدىعىندا سالادان ەل ەكونوميكاسىنا 33,8 ملرد تەڭگە سالىق تٷستٸ. بۇل ٶتكەن جىلعىدان 1,3 ەسە جوعارى كٶرسەتكٸش.
«جالپى قۇرىلىس ماتەريالدارىنىڭ ٸشكٸ نارىعى 2,6 ملرد اقش دوللارىن قۇرايدى (2021 جىلدىڭ 11 ايىنىڭ قورىتىندىسى بويىنشا). ونىڭ ٸشٸندە وتاندىق ٶندٸرٸس ٷلەسٸ - 60% ($1,6 ملرد), يمپورت - 40% ($1 ملرد). كٶرٸپ وتىرعانىمىزداي, وتاندىق ٶندٸرۋشٸلەر ٸشكٸ نارىقتىڭ بەتون, تسەمەنت, قابىرعا ماتەريالدارى سيياقتى بازالىق قۇرىلىس ماتەريالدارىنا قاجەتتٸلٸگٸن تولىق ٶتەيدٸ. بارلىعىندا دەرلٸك قۇرىلىستا جەنە جٶندەۋ جۇمىستارىندا قازاقستاندىق گيپسوكارتون مەن قۇرعاق قۇرىلىس قوسپالارى قولدانىلادى. الايدا, ەرلەۋ سەگمەنتٸنٸڭ قوسىلعان قۇنى جوعارى تاۋارلارى يمپورتقا تەۋەلدٸ بولىپ وتىر. ەدەتتە, بۇل ەرلەۋ ماتەريالدارى, تۇسقاعازدار, لينولەۋم, جىلۋ وقشاۋلاعىش ماتەريالدار, سانفايانس جەنە شىنى بۇيىمدارى», - دەدٸ مينيستر.
