Almaty ákimi Baqytjan Saǵyntaev qurylys kompaniialary men salalyq birlestikterdiń basshylarymen keńes ótikizdi. Kezdesý barysynda qiraǵan ǵimarattardy qalpyna keltirý jáne qalanyń áleýmettik infraqurylymyn odan ári damytý máselelerin talqylady, dep habarlaidy QazAqparat.
Qala basshysy jappai tártipsizdikter barysynda buzylǵan ákimshilik jáne basqa da ǵimarattardy qalpyna keltirý qajettigine nazar aýdardy.
Qysqa merzimde jaǵdaidy baǵalaýdy júrgizý jáne jóndeý-qalpyna keltirý jumystaryna kirisý mindeti tur.
Qurylys salasy odaǵynyń tóraǵasy Eraly Saýranbaevtyń aitýynsha, kompaniia basshylary qalany qalpyna keltirýge jáne Almatynyń kelbetin jaqsartýǵa belsendi qatysýǵa daiyn.
Búginde qurylys kompaniialary qyzmetkerleri qala ákimdigi ǵimaratyn tazartyp jatyr.
Oǵan shamamen 660 adam jumyldyrylyp, jaqyn arada tazartý jumystary aiaqtalady. Qiraǵan jihaz, keńse tehnikasy, qoqys jinalyp, kádege jaratý úshin poligondarǵa shyǵarylady.
