Foto: REUTERS
Quryqta oq tigen 21 jastaǵy naýqas jansaqtaý bóliminen neirohirýrgiia jáne insýlt bólimshesine aýystyryldy, - dep habarlaidy "Ult aqparat" mangystaumedia.kz saityna silteme jasap.
Mańǵystaý oblystyq kópbeiindi aýrýhananyń málimetinshe, naýqastyń jaǵdaiy - birqalypty. Qazir turaqty emin qabyldap jatyr. Dárigerlerdiń baqylaýynda.
Eske salaiyq, naýqas óte aýyr jaǵdaida, sol jaq bet aimaǵynyń atylǵan jaraqaty, tómengi jaq súieginiń ashyq synyǵy, muryn, aýyz qýysynda, kóz aimaǵynyń artqy jaǵynda pytyralardyń, oq dárilerdiń bolýy diagnozymen oblystyq kópbeiindi aýrýhanaǵa sanitarlyq aviatsiiamen jetkizilgen. Osy ýaqytqa deiin ol jansaqtaý bóliminde em qabyldaǵan.
