© Photo: pixabay/ds_30
Shyǵys Qazaqstan oblysynyń Kúrshim aýdanynda mektep býhgalteri mekemeniń 11,9 million teńge qarajatyn qumar oiynǵa jumsap jibergen, dep habarlady Altaynews.kz.
Ol qarajatty 2018 jyldyń qańtarynan 2022 jyldyń shildesine deiin óziniń jáne týystarynyń bank kartasyna aýdaryp kelgen.
"Kúdiktiniń kinási ekonomikalyq saraptamanyń qorytyndysymen, kýágerlerdiń aiǵaqtarymen dáleldendi. Sottalýshynyń ózi de kinásin moiyndady", - dep málimdedi aýdandyq sottyń baspasóz qyzmeti.
Sot aiyptalýshynyń kinásin moiyndaǵanyn, ókingenin jáne jas balalarynyń baryn eskere otyryp, úsh jarym jylǵa bas bostandyǵynan aiyrý jazasyn taǵaiyndady jáne ómir boiyna memlekettik qyzmette jumys isteý quqyǵynan aiyrdy.
Úkim zańdy kúshine engen joq.
