Jaqynda áleýmettik jelide Shyǵys Qazaqstan oblysyndaǵy Kúrshim ózeniniń lastanýy týraly beinerolik tarady.
Osyǵan bailanysty, Shyǵys Qazaqstan oblysy boiynsha Ekologiia departamenti jergilikti IIB jáne prokýratýra qyzmetkerlerimen birlesip oqiǵa ornyna dereý bardy, dep habarlaidy "Ult aqparat" Ekologiia ministrliginiń baspasóz qyzmetine silteme jasap.
Kúrshim ózeniniń arnasyn Maraldy aýylyna qarai tekserý barysynda ózenniń Kiinsý ózeni aǵatyn jerde (Maraldy aýylynan shamamen 12-15 km) lastaný faktisi tirkeldi. Bul rette Kúrshim ózeniniń sýy Kiinsý ózeni aǵatyn jerden joǵarysy, taza. Osyǵan bailanysty jedel top Maraldy aýylynyń mańynda ornalasqan «Maralihagold» JShS baǵaly metaldardy barlaý jáne óndirý ornyn qarap shyqty.
Júrgizilgen tekserý 2-3 tundyrǵyshta kendi baiytý kezinde buryn paidalanylǵan sý joq ekenin kórsetti. «Maralihagold» JShS jumysshylarynyń aitýynsha, 14 qazanda óndiriste paidalanylǵan sý «Vasilevskii» bulaǵyna túsken. Vasilevskii bulaǵynyń sýy «Býgýl» bulaǵyna quiady, ol Kiynsý ózenine, al ol óz kezeginde Kúrshim ózenine quiady.
«Atalǵan fakti AIIB aqparatty esepke alý kitabynda tirkelgen. Jinalǵan material Ekologiia departamenti men Ertis basseindik inspektsiiasyna jiberildi. Qabyldanǵan sharalar týraly aqparat qosymsha habarlanatyn bolady»,-delingen habarlamada.
