«Barys» búgin Qurlyqtyq hokkei ligasyndaǵy kezekti oiynyn elordada Belarýstiń «Dinamo» (Minsk) komandasyna qarsy ótkizdi, dep habarlaidy QazAqparat.
Qazaqstandyq hokkeishiler eki komanda arasyndaǵy sońǵy úsh kezdesýde qarsylastaryna ese jiberip qoiǵan bolatyn. Sondyqtan «Barys» sol ketken eseni qaitarýǵa tyrysty. Oǵan qosa biyl elordalyq klýb plei-off satysyna shyǵý úshin kúsh salatyny belgili edi.
Kezdesýdi aidyn ieleri belsendi bastady. Nátijesinde 5-minýtta Linden Vei «Barysty» alǵa shyǵardy. Odan keiin qazaqstandyq klýb óz qaqpasyna eki shaiba jiberip aldy. «Dinamo» sapynan Sergei Sapego 9, Tailer Graovats 15-minýttarda mergendigimen kózge tústi.
Ekinshi kezeńde «Barys» basymdyǵyn arttyrdy. Osyndai sátterdiń birinde Kertis Volk soqqan shaibany tóreshiler esepke alǵan joq. Oǵan bailanysty erege sáikes soǵylǵan joq degen sheshim shyǵardy. Al 36-minýtta Nikita Mihailis kózdegen nysanadan múlt ketken joq.
Negizgi kezeń komandalar 2:2 esebimen teń túsip, oiyn overtaimǵa ulasty. Overtaimda jeńimpaz anyqtalǵan joq. Býllitte «Barys» basym tústi.
Endi «Barys» 25 qarashada elordada Reseidiń «Torpedo» (Nijnii Novgorod) komandasymen ótkizedi.
