«Barys» búgin Qurlyqtyq hokkei ligasyndaǵy kezekti oiynyn Qytaidyń «Kýnlýn Red Star» (Beijiń) komandasymen ótkizdi, dep habarlaidy QazAqparat.
Eki komanda biylǵy týrnirdi sátsiz ótkizip keledi. Qazir «Barys» 17 oiynnan keiin 14 upaimen týrnir kestesinde 18-orynda keledi.
Al «Kýnlýn Red Star» 11 upaimen 23-orynda turǵan edi.
Sondyqtan oiyn barysynda komandalar shaiba soǵýdyń jolyn izdedi. Birinshi kezeńde esep ashylǵan joq.
Ekinshi kezeńniń 21-minýtynda Nikita Mihailis qarsylastar qaqpasynan sańylaý tapty. Osylaisha qazaqstandyq klýb alǵa shyqty.
Úshinshi kezeń asa tartysty ótti. Komandalar negizinen shabýyl shebinde boi kórsetti.
Qytailyq komandadan 58-minýtta Tailer Vong tarazy basyn teńestirip, oiyn overtaimǵa ulasty. Overtaimda jeńimpaz anyqtalǵan joq.
Býlliten «Barys» basym tústi.
Eki komanda búginge deiin 16 márte sheberlik baiqasty. Onyń 11-i «Barystyń» basymdyǵymen aiaqtalsa, qalǵanynda qytailyq klýbtyń mereii ústem boldy.
Endi «Barys» aldaǵy oiynyn 17 qazanda Reseidiń SKA (Sankt-Peterbýrg) komandasymen ótkizedi.
