«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن قىتايدىڭ «كۋنلۋن رەد ستار» (بەيجٸڭ) كومانداسىمەن ٶتكٸزدٸ, دەپ حابارلايدى قازاقپارات.
ەكٸ كوماندا بيىلعى تۋرنيردٸ سەتسٸز ٶتكٸزٸپ كەلەدٸ. قازٸر «بارىس» 17 ويىننان كەيٸن 14 ۇپايمەن تۋرنير كەستەسٸندە 18-ورىندا كەلەدٸ.
ال «كۋنلۋن رەد ستار» 11 ۇپايمەن 23-ورىندا تۇرعان ەدٸ.
سوندىقتان ويىن بارىسىندا كوماندالار شايبا سوعۋدىڭ جولىن ٸزدەدٸ. بٸرٸنشٸ كەزەڭدە ەسەپ اشىلعان جوق.
ەكٸنشٸ كەزەڭنٸڭ 21-مينۋتىندا نيكيتا ميحايليس قارسىلاستار قاقپاسىنان ساڭىلاۋ تاپتى. وسىلايشا قازاقستاندىق كلۋب العا شىقتى.
ٷشٸنشٸ كەزەڭ اسا تارتىستى ٶتتٸ. كوماندالار نەگٸزٸنەن شابۋىل شەبٸندە بوي كٶرسەتتٸ.
قىتايلىق كوماندادان 58-مينۋتتا تايلەر ۆونگ تارازى باسىن تەڭەستٸرٸپ, ويىن وۆەرتايمعا ۇلاستى. وۆەرتايمدا جەڭٸمپاز انىقتالعان جوق.
بۋلليتەن «بارىس» باسىم تٷستٸ.
ەكٸ كوماندا بٷگٸنگە دەيٸن 16 مەرتە شەبەرلٸك بايقاستى. ونىڭ 11-ٸ «بارىستىڭ» باسىمدىعىمەن اياقتالسا, قالعانىندا قىتايلىق كلۋبتىڭ مەرەيٸ ٷستەم بولدى.
ەندٸ «بارىس» الداعى ويىنىن 17 قازاندا رەسەيدٸڭ سكا (سانكت-پەتەربۋرگ) كومانداسىمەن ٶتكٸزەدٸ.
