Almaty qalasynda Qurban ait merekesinde 14 politsiia beketi jumys isteidi, dep habarlaidy "Ult aqparat".
Almaty qalasynyń bas sanitarlyq dárigeriniń 2020 jylǵy 23 shildedegi № 53 qaýlysyna sáikes Almatyǵa kire beriste qalaǵa mal ákelýdiń aldyn alý úshin beketter uiymdastyryldy.
«Kólik, onyń ishinde mal tasýǵa bolatyn júk kólikteri toqtatylatyn bolady. Osyǵan bailanysty biz azamattardy zańǵa baǵynýǵa jáne eń aldymen koronavirýstyq infektsiiany azaitýǵa baǵyttalǵan talaptardy qatań saqtaýǵa shaqyramyz. Aldynda qurbandyq shalýdyń naqty algoritmi jariialanǵan bolatyn. Jahandyq pandemiia jaǵdaiynda ony ustanǵan durys, – dedi Almaty qalalyq Politsiia departamenti bastyǵynyń orynbasary Nurlan Almasbekov.
Biyl Qurban ait merekesi kezinde Almatyǵa mal kirgizýge, mal soiýǵa tyiym salynǵan bolatyn.
