Densaýlyq saqtaý ministrligi Sanitarlyq-epidemiologiialyq baqylaý komitetiniń resmi ókili Erjan Baitanaev Qurban ait merekesine orai qazaqstandyqtarǵa úndeý jasady, dep habarlaidy "Ult aqparat".
«Qurban aittyń kóptegen azamattarymyz úshin mańyzy zor jáne biz dini nanymdaǵy jandardyń sezimderine zor qurmetpen qaraimyz. Alaida pandemiia halyqtyń densaýlyǵyna qaýip tóndiredi.
Qazirgi tańda epidemiologiialyq jaǵdaidyń nasharlaýyna bailanysty bas memlekettik sanitarlyq dárigerdiń qaýlysy boiynsha barlyq qoǵamdyq is-sharalardy merekeleý shektelgen. Biz qalyptasqan jaǵdaida azamattarymyzdyń qaýipsizdigi men densaýlyǵy birinshi orynǵa shyǵatynyn túsinýge tiispiz», - delingen úneýde.
Komitettiń resmi ókili osyǵan bailanysty barsha qazaqstandyqtardy jaǵdaiǵa túsinistikpen qarap, Qurban ait qarsańynda shaǵyn otbasylyq sheńberde merekelik is-sharalar ótkizýge, barlyq bailanystardy azaitýǵa, buqaralyq is-sharalardy, adamdar kóp jinalatyn rásimder uiymdastyrmaýǵa jáne ondai sharalarǵa barmaýǵa keńes beredi.
Sonymen qatar, respýblikanyń barlyq aimaqtarynda koronavirýstyń delta-shtamy anyqtalǵanyn, onyń ádettegi shtamǵa qaraǵanda 60 paiyzǵa juqpaly jáne aýyr asqynýlarǵa ákelýi múmkin ekenin eske salady.
«Biyl ekinshi jyl qatarynan qazaqstandyqtar qurbandyq shalý rásimin onlain formatta jasai alady. Ol úshin qurban2021.kz. saitynda ótinim qaldyrý qajet. Epidemiologiialyq jaǵdaiǵa bailanysty qurbandyq eti muqtajdar arasynda tolyǵymen taratylady. Sonymen qatar, karantindik talaptardy qatań saqtaýǵa, betperde kiiýge, áleýmettik qashyqtyqty saqtaýǵa, qoldy jii óńdeýge, adamdar kóp jinalatyn oryndarǵa barmaýǵa shaqyramyz», - deidi Erjan Baitanaev.
