دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ قۇربان ايت مەرەكەسٸنە وراي قازاقستاندىقتارعا ٷندەۋ جاسادى, دەپ حابارلايدى "ۇلت اقپارات".
«قۇربان ايتتىڭ كٶپتەگەن ازاماتتارىمىز ٷشٸن ماڭىزى زور جەنە بٸز دٸني نانىمداعى جانداردىڭ سەزٸمدەرٸنە زور قۇرمەتپەن قارايمىز. الايدا پاندەمييا حالىقتىڭ دەنساۋلىعىنا قاۋٸپ تٶندٸرەدٸ.
قازٸرگٸ تاڭدا ەپيدەميولوگييالىق جاعدايدىڭ ناشارلاۋىنا بايلانىستى باس مەملەكەتتٸك سانيتارلىق دەرٸگەردٸڭ قاۋلىسى بويىنشا بارلىق قوعامدىق ٸس-شارالاردى مەرەكەلەۋ شەكتەلگەن. بٸز قالىپتاسقان جاعدايدا ازاماتتارىمىزدىڭ قاۋٸپسٸزدٸگٸ مەن دەنساۋلىعى بٸرٸنشٸ ورىنعا شىعاتىنىن تٷسٸنۋگە تيٸسپٸز», - دەلٸنگەن ٷنەۋدە.
كوميتەتتٸڭ رەسمي ٶكٸلٸ وسىعان بايلانىستى بارشا قازاقستاندىقتاردى جاعدايعا تٷسٸنٸستٸكپەن قاراپ, قۇربان ايت قارساڭىندا شاعىن وتباسىلىق شەڭبەردە مەرەكەلٸك ٸس-شارالار ٶتكٸزۋگە, بارلىق بايلانىستاردى ازايتۋعا, بۇقارالىق ٸس-شارالاردى, ادامدار كٶپ جينالاتىن رەسٸمدەر ۇيىمداستىرماۋعا جەنە ونداي شارالارعا بارماۋعا كەڭەس بەرەدٸ.
سونىمەن قاتار, رەسپۋبليكانىڭ بارلىق ايماقتارىندا كوروناۆيرۋستىڭ دەلتا-شتامى انىقتالعانىن, ونىڭ ەدەتتەگٸ شتامعا قاراعاندا 60 پايىزعا جۇقپالى جەنە اۋىر اسقىنۋلارعا ەكەلۋٸ مٷمكٸن ەكەنٸن ەسكە سالادى.
«بيىل ەكٸنشٸ جىل قاتارىنان قازاقستاندىقتار قۇرباندىق شالۋ رەسٸمٸن ونلاين فورماتتا جاساي الادى. ول ٷشٸن qurban2021.kz. سايتىندا ٶتٸنٸم قالدىرۋ قاجەت. ەپيدەميولوگييالىق جاعدايعا بايلانىستى قۇرباندىق ەتٸ مۇقتاجدار اراسىندا تولىعىمەن تاراتىلادى. سونىمەن قاتار, كارانتيندٸك تالاپتاردى قاتاڭ ساقتاۋعا, بەتپەردە كييۋگە, ەلەۋمەتتٸك قاشىقتىقتى ساقتاۋعا, قولدى جيٸ ٶڭدەۋگە, ادامدار كٶپ جينالاتىن ورىندارعا بارماۋعا شاقىرامىز», - دەيدٸ ەرجان بايتاناەۆ.
