Almatyda quny 400 mln teńge meditsinalyq buiym gýmanitarlyq kómek retinde zańsyz importtalǵany anyqtaldy, dep habarlaidy "Ult aqparat".
Bul týraly Facebook jelisinde QR bas kólik prokýrory Ernat Sybanqulov málimdedi.
«QR Keden týraly zańnamasyna sáikes gýmanitarlyq júk keden salyǵynan bosatylady. Alaida jekemenshik kompaniianyń taýarlary keiin satylǵan. Olai bolǵan jaǵdaida keden salyǵy men tólemderin tóleýi tiis. Bul jaǵdaida olar 40 mln teńge tóleýi kerek», - dedi Ernat Sybanqulov.
«Qazir osy derek boiynsha QR QK 236-babynyń 1-tarmaǵymen qylmystyq is qozǵaldy. Tergeý jumystaryn qalalyq Ekonomikalyq tergeý departamenti júrgizip jatyr»,- dedi baspasóz qyzmetinen.
Taǵy bir kásiporyn shetelge shyǵarýǵa shekteý qoiylǵan taýarlardy eksporttaǵan. Atap aitqanda, 140 mln teńgeniń jeke qorǵanys quraldaryn syrtqa shyǵarǵan.
Bul derek boiynsha prokýratýra QR QK 234-babymen (ekonomikalyq kontrabanda) sotqa deiingi tergeý amaldaryn júrgizgen bolatyn.
10 qarashada Túrksib aýdandyq soty kúdiktilerdiń bas bostandyǵyn 1 jyl 6 aiǵa shektedi.
