Ortalyq kommýnikatsiialar qyzmetinde ótken brifingide mamandarǵa QazSovid-in vaktsinasy halyqty jańa mýtatsiialardan qalai qorǵaidy degen saýal qoiyldy, dep habarlaidy "Ult aqparat".
BAQ ókiliniń saýalyna jaýap bergen Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria otandyq ónimdi britandyq jáne ońtústikafrikalyq shtamdarǵa qarsy synaý bastalǵanyn jetkizdi.
«Almaty qalasyndaǵy naýqastardyń patologiialyq materialdaryn alǵan bolatynbyz. Qazir zerthanada zertteý júrgizip jatyrmyz. Búginge deiin bizdiń ǵalymdar britandyq shtamdy da, ońtústikafrikalyq shtamdy da bólip shyǵardy. Aitpaqshy, biz patologiialyq materialdy 19 naýryzda ǵana alǵan bolatynbyz. Osyndai qysqa ýaqytta shtamdardy bólip shyǵardyq. Qazir osy shtamdardyń genetikalyq, biologiialyq qasietteri zerttelip jatyr. Ol bizge keleshekte vaktsinanyń áldeqaida jetildirilgen túrilerin jasaityn tehnologiiaǵa paidalaný úshin kerek. Bul tehnologiia uzaq ýaqyt júredi. Qazir bir sony bastap kettik», - deidi ǵalym.
Ol sondai-aq, otandyq vaktsinanyń quramynda virýstyń barlyq aqýyzy bar ekenin málim etti. Al nanotehnologiia boiynsha jasalǵan vaktsinalarda virýstyń bir bólshegi ǵana alynǵan.
«QazSovid-in vaktsinasy tutas virýstan jasalǵanyn túsiný kerek. Onyń quramynda virýstyń aqýyzdarynyń tolyq jiyntyǵy bar. Osynyń arqasynda immýnitet qalyptastyrý aiasy óte keń. Qazir belgili bolǵan, keiin paida bolýy múmkin shtamdardyń barlyǵyna qarsy tiimdi», - dedi institýt direktory.
