Ózbekstanda balabaqsha kóliginde qalyp qoiǵan 2 jastaǵy qyz kóz jumdy, dep habarlaidy ult.kz.
Ózbekstannyń Qashqadariia oblysynda qaiǵyly oqiǵa boldy. Balabaqsha tárbielenýshisi bolǵan 2 jastaǵy qyz birneshe saǵat boiy jabyq kóliktiń ishinde qalyp qoiyp, kóz jumǵan.
Jergilikti aqparat quraldarynyń málimetinshe, balabaqshaǵa balalardy tasymaldaǵan qyzmetker búldirshinderdiń túgel túskenin teksermegen. Sonyń saldarynan qyz bala kóliktiń ishinde qalyp qoiǵan. Keiin kólik jabylyp, kúnniń ystyǵynda birneshe saǵat turǵan.
Qaiǵyly jaǵdai qyzdyń ata-anasy balasyn izdei bastaǵan kezde anyqtalǵan. Búldirshin kóliktiń artqy oryndyǵynan tabylǵan. Dárigerler onyń ómirin saqtap qala almady.
Oqiǵadan keiin quqyq qorǵaý organdary tergeý júrgizip, balabaqsha basshylyǵy men jaýapty qyzmetkerlerdiń áreketine quqyqtyq baǵa berildi. Sot sheshimimen mekeme basshysy kináli dep tanylyp, bas bostandyǵynan aiyrylǵany habarlandy.
