2018 jyldyń 4 qyrkúieginde «Kundelik» aqparattyq júiesine DDOS hakerlik shabýyl jasaldy. Bul týraly "Ult aqparat" QR BǴM baspasóz qyzmetine silteme jasap habarlaidy.
Kundelik.kz portalynyń ázirleýshileri qazirgi ýaqytta portalǵa jáne memlekettik organdar úshin eseptik júiege qoljetimdilik jyldamdyǵynyń azaiýy múmkin ekendigin eskertti.
«Kundelik» AAJ qoldanýshylardyń personaldy málemetterin qorǵaý maqsatynda Ulttyq aqparattandyrý operatory «Ulttyq aqparattyq tehnologiialar» AQ serverlerinde ornalastyrylǵan jáne «elektrondy úkimet» servisteri deńgeiinde qorǵalady. Qazirgi ýaqytta «UAT» AQ tehnikalyq mamandary men telekommýnikatsiialyq opreatorlardyń («Kazahtelekom» AQ, «GTS» RMK, «Transtelekom» AQ, «Ksell» AQ jáne t.b.) jetekshi mamandary syrttan jasalǵan shabýyldardyń saldaryn tolyq joiý jáne júielerge qoljetimdilik jyldamdyǵyn qalpyna keltirý úshin Kundelik.kz portalyn jáne taǵy da basqa aqparattyq júielerdi qorǵaý boiynsha is-sharalar júrgizip jatyr. Iaǵni, osy jaǵdai «UAT» AQ tarapynan shyqqan tehnikalyq aqaý bolyp tabylmaidy», - delingen habarlamada.
Qazir sheteldik DDOS shabýyldarǵa qarsy turý boiynsha birikken jumystar jasalyp jatyr.
Portal qoldanýshylarynyń barlyq málimetteri - jeke aqparat, úlgerim, sabaqqa qatysý týraly baǵalar, berilgen úi jumystary - «UAT» AQ aqparattyq qaýipsizdiginiń perimetrinde ornalasqan jáne ózgertilmeidi. Júieniń tolyq qalpyna kelýi men jaǵdaidyń sheshilýi týraly qosymsha habarlanatyn bolady.
Aita keteiik, «Kundelik» - bul Qazaqstannyń jalpy bilimdik mektepteriniń elektrondy kúndelikteri men jýrnaldarynyń ulttyq júiesi. Júiege 6 myńnan astam mektep qosylǵan, 4 mln. astam qoldanýshy tirkelgen. Elektrondy kúndelikterdi engizý arqyly oqý úrdisiniń tazalyǵy jáne oqýshylar men muǵalimder arasynda aqparatpen almasý qolailyǵy joǵarylaidy, sonymen qatar esep tapsyrý úrdisi jeńildeidi.
