«Kúndelik» júiesin buzý týraly aqparat shyndyqqa janaspaidy, – dep habarlaidy «Kúndelik» JShS baspasóz qyzmeti.
«Kúndelik» elektrondyq júiesi «Ulttyq aqparattyq tehnologiialar» AQ serverlik ortalyǵynyń bazasynda ornalasqan ári syrtqy shabýyldardan qorǵalǵan deidi «Kúndelik» JShS direktory Muhtar Iliiasov.
Onyń aitýynsha, júieni QR Ulttyq qaýipsizdik komitetiniń «Memlekettik tehnikalyq qyzmet» AQ turaqty baqylap otyrady. Kez-kelgen syrtqy shabýyldy QR UQK qadaǵalaidy.
Sondai-aq ol «Kúndelik» júiesin buzý týraly aqparat shyndyqqa janaspaitynyn aitty. Iaǵni, eshqandai shabýyl bolmaǵan, paidalanýshylardyń derekterin qorǵaý tolyqtai qamtamasyz etilgen.
«Elektrondyq júiede derektermen jumys isteý kezinde jeke aqparattyq qaýipsizdik erejelerin saqtaý qajet. Login men qupiiasózdi bógde adamdarǵa berýge nemese ashyq túrde qaldyrýǵa bolmaidy. Mundai jaǵdailarda akkaýnttar buǵattalyp, keleńsiz jaǵdailarǵa ákep soqtyrýy múmkin. Máselen, búgin qaskúnem akkaýntyn ashyq qaldyrǵan paidalanýshynyń atynan júiege kirip, ádepsiz habarlamalar qaldyrdy. Tehnikalyq qoldaý qyzmeti bul habarlamalardy óshirip, profildi buǵattady», – dep jaýap berdi Muhtar Iliiasov.
