«كٷندەلٸك» جٷيەسٸن بۇزۋ تۋرالى اقپارات شىندىققا جاناسپايدى, – دەپ حابارلايدى «كٷندەلٸك» جشس باسپاسٶز قىزمەتٸ.
«كٷندەلٸك» ەلەكتروندىق جٷيەسٸ «ۇلتتىق اقپاراتتىق تەحنولوگييالار» اق سەرۆەرلٸك ورتالىعىنىڭ بازاسىندا ورنالاسقان ەرٸ سىرتقى شابۋىلداردان قورعالعان دەيدٸ «كٷندەلٸك» جشس ديرەكتورى مۇحتار ٸليياسوۆ.
ونىڭ ايتۋىنشا, جٷيەنٸ قر ۇلتتىق قاۋٸپسٸزدٸك كوميتەتٸنٸڭ «مەملەكەتتٸك تەحنيكالىق قىزمەت» اق تۇراقتى باقىلاپ وتىرادى. كەز-كەلگەن سىرتقى شابۋىلدى قر ۇقك قاداعالايدى.
سونداي-اق ول «كٷندەلٸك» جٷيەسٸن بۇزۋ تۋرالى اقپارات شىندىققا جاناسپايتىنىن ايتتى. ياعني, ەشقانداي شابۋىل بولماعان, پايدالانۋشىلاردىڭ دەرەكتەرٸن قورعاۋ تولىقتاي قامتاماسىز ەتٸلگەن.
«ەلەكتروندىق جٷيەدە دەرەكتەرمەن جۇمىس ٸستەۋ كەزٸندە جەكە اقپاراتتىق قاۋٸپسٸزدٸك ەرەجەلەرٸن ساقتاۋ قاجەت. لوگين مەن قۇپيياسٶزدٸ بٶگدە ادامدارعا بەرۋگە نەمەسە اشىق تٷردە قالدىرۋعا بولمايدى. مۇنداي جاعدايلاردا اككاۋنتتار بۇعاتتالىپ, كەلەڭسٸز جاعدايلارعا ەكەپ سوقتىرۋى مٷمكٸن. مەسەلەن, بٷگٸن قاسكٷنەم اككاۋنتىن اشىق قالدىرعان پايدالانۋشىنىڭ اتىنان جٷيەگە كٸرٸپ, ەدەپسٸز حابارلامالار قالدىردى. تەحنيكالىق قولداۋ قىزمەتٸ بۇل حابارلامالاردى ٶشٸرٸپ, پروفيلدٸ بۇعاتتادى», – دەپ جاۋاپ بەردٸ مۇحتار ٸليياسوۆ.
