Almatyda jappai tóbeles boldy. Qalalyq politsiia departamenti derek boiynsha qylmystyq is qozǵalǵanyn aitty, - dep habarlaidy "Ult aqparat".
Oqiǵanyń videosy áleýmettik jelilerde jariialandy. Avtordyń aitýynsha, video Aqsai-1A yqshamaýdanynda túsirilgen. Oqiǵa keshki ýaqytta bolǵan. Sondai-aq, eresekter tóbelesip jatqan jerde bala júrgeni de baiqalady.
"Niko" turǵyn úi kesheninde jataqhanalar ornalasqan. Onda úisiz adamdar iship, temeki tartady. Kúnde janjal bolady, balalardy syrtqa shyǵarýǵa qorqamyz. Politsiiaǵa qońyraý shalamyz, biraq eshqandai áreket joq. Olardy 15 minýtqa qamap, bosatyp jiberedi. Bul máseleni sheshýge kómektesseńizder", - delingen jazba sipattamasynda.
Politsiia departamenti jaǵdaiǵa qatysty pikir bildirdi.
"14 shildede turǵyn Jaksylykova G.J. Almaty qalasynyń Áýezov aýdandyq politsiia basqarmasyna júgingen. Ol Aqsai-1A yqshamaýdany 17 úi mekenjaiy boiynsha jertólede ornalasqan My club hosteliniń qonaqtaryna qatysty shara qabyldaýdy surap ótinish túsirgen.
Sondai-aq, Jaksylykova G.J. áleýmettik jelilerde tóbelestiń videosyn jariialaǵan. Atalǵan fakt boiynsha QR QK-nyń 293-baby "Buzaqylyq" boiynsha qylmystyq is qozǵaldy", - dedi Almaty qalasy PD Áýezov aýdandyq PB bastyǵy Ulan Ábilqaiyr.
