Sh.Aimanov atyndaǵy «Qazaqfilm» AQ jaryqqa shyǵarǵan «Qunanbai» jáne «Jańǵaq tal» filmderi Qytaidyń astanasynda sáýirdiń 19-y men 21-i aralyǵynda ótetin Halyqaralyq Beijiń kinofestivaliniń (Beijing International Film Festival) «Panorama» baǵdarlamasynda kórsetiledi, dep habarlaidy Baq.kz.
- Film kóptegen festivalderge qatysyp, tanylyp jatqanyna óte qýanyshtymyn. Kartinanyń jelisi meiirimge toly, sondyqtan da qytailyq kórermenderdiń kóńilinen shyǵatynyna senimdimin, - dedi «Jańǵaq tal» filminiń rejisseri Erlan Nurmaǵambetov.
Euǵan deiin, «Jańǵaq tal» filmi Ońtústik Koreiadaǵy Pýsan festivalinde álemdik premerasyn ótkizip, onda New Currents («Jańa aǵym») sektsiiasy aiasynda bas júldeni iemdengen bolatyn. Sonymen qatar, atalmysh kartina Vezýldegi Aziia kinolary 22-i Halyqaralyq kinofestivaliniń negizgi baiqaýynda kórsetilip (Frantsiia, 2016 j.), eki birdei júldege – halyqaralyq qazylardyń arnaýly júldesine jáne kino synshylarynyń arnaýly júldesine ie boldy.
- Osydan birneshe jyl buryn marqum Talasbek Ásemqulov ekeýimiz «Birjan sal» filmimen Qytaiǵa arnaiy baryp edik. Kórsetilimge 500-ge jýyq halyq qatysty, olardyń arasynda qazaqtar da boldy. Filmdi óte keremet qabyldady. Tarihtan syr shertetin filmimiz qytailyq kórermenderge unaidy degen oidamyn, - dedi «Qunanbai» filminiń rejisseri Doshan Joljaqsynov.
Uly oishyl Abaidyń ákesi – Qunanbai Óskenbaiulynyń ómiri jaily baiandaityn tarihi týyndy elimiz boiynsha prokatqa 2015 jyly shyǵyp, kórermenniń kózaiymyna ainalǵan bolatyn. Atalmysh film QR Prezidenti N.Á.Nazarbaevtyń jáne Memleket tarapynan da joǵary baǵasyn aldy. Elbasy QR Táýelsizdik kúnin toilaý qarsańynda 2016 jyldyń ádebiet pen óner salasy boiynsha Memlekettik syilyqty filmniń túsirý tobyna úlestirdi. Jarlyqqa sáikes premiia rejisser – Doshan Joljaqsynovqa, qoiýshy sýretshi – Rýstam Odinaevqa, sonymen qatar akterler – Nýrsifat Salyqovaǵa jáne Aidos Bektemirge berildi.
Sonymen qatar, alǵashqy ulttyq «Tulpar» kinopremiiasynda filmniń avtorlary úzdik atanyp, «Úzdik er adam róli», «Úzdik qoiýshy sýretshi», «Úzdik kompozitor», «Úzdik stsenarii» atalymdar boiynsha tórt birdei júldege qol jetkizdi. Odan bólek, Ýfada ótken III halyqaralyq ulttyq jáne etnikalyq kino «Kúmis Aqbozat» festivalinde Ámir Ábdirazaqov atyndaǵy «Ulttyq rýh» júldesin ielengen.
Pekin halyqaralyq kinofestivali Qytaidyń bailanys, radio, kinematografiia jáne telearnalar bas basqarmasy jáne Pekinniń mýnitsipalitet halyq úkimeti, sondai-aq Qytaidyń kino jónindegi basqarmasynyń uiymdastyrýymen ótkiziledi. Baiqaý uiymdastyrýshylarynyń aitýyna qaraǵanda, Pekin festivali jyldan jylǵa damyp, búginde Aziiada ótip jatqan kinofestivalderdiń aldynda tur.
Biyl baiqaýǵa 90 elden 1000-ǵa jýyq kinotýyndylar qatysyp otyr, dep málimdeidi «Qazaqfilm» AQ baspasóz qyzmeti. Olardyń ishinen negizgi baǵdarlamaǵa 15 film iriktelip alynǵan. Konkýrstyq baiqaýǵa usynylǵan filmderdiń úzdigin belgili dat rejisseri Bill Avgýsttyń basshylyǵymen halyqaralyq qazylar alqasy anyqtaityn bolady.
