Qazaqstanda koronavirýstan emdelgender sany kún saiyn artyp keledi. Bul týraly QR Bas memlekettik sanitar dárigeri Aijan Esmaǵambetova málim etti, dep habarlaidy "Ult aqparat".
«Qazaqstanda koronavirýs juqtyrǵan adamdar sany 11 571 boldy, 41 naýqas qaitys boldy. Kún saiyn infektsiiadan emdelgen sany artyp keledi. Qazirgi kezde adamdar jumystaryna oralyp jatyr, kóshede júrý talaptary jeńildetildi», - dedi A. Esmaǵambetova.
Onyń paiymynsha, áleýmettik qarym-qatynastyń artýy infektsiianyń taralýynyń joǵarylaýyna alyp kelýi múmkin.
«Atap aitqanda, teńgerimdi jáne infektsiia taralýynyń baqylanatyn deńgeiin saqtaý kóbine turǵyndardyń ózderine bailanysty. Bul turǵyda ár adam óz ornynda profilaktika sharalaryn oryndaý deńgeiine qatysty bolyp tur. Biznes nysandary, jumys berýshiler, sondai-aq turǵyndar qyzmet alatyn jerlerde tiisti erejeni saqtap, indettiń taralmaýyna úlesin qosýy tiis», - dedi Bas memlekettik sanitar dárigeri.
