Sinoptikterdiń boljaýynsha, aldaǵy demalys kúnderi aýa raiy birqatar óńirlerde kúrt sýytady, dep habarlaidy "Ult aqparat" Qazgidrometke silteme jasap.
«Elimizdiń basym bóliginde atmosferalyq aýa aǵyndardyń ótýine bailanysty aýa raiy qubylmaly bolady, kei jerlerde jańbyr jaýady. 19 sáýirde soltústik jáne ortalyq aimaqtarǵa Skandinaviia túbegi aýdandarynan sýyq antitsiklon kelýine bailanysty jańbyrdyń sońy qarǵa ulasadyy, túnde aýa temperatýrasy 5-12 gradýsqa deiin tómendeidi, sondai-aq kóktaiǵaq bolyp, jaiaý burqasyn soǵýy yqtimal. Respýblikanyń kei jerlerine tuman túsip, jel kúsheiedi, ońtústik jartysynda kún kúrkireidi», delingen boljamda.
17 sáýirde Mańǵystaý oblysynyń kei jerlerinde tuman kútiledi. Erteń túnde jáne tańerteń Aqtaýda tuman túsýi múmkin.
17 sáýirde Batys Qazaqstan oblysynyń kei jerlerinde naizaǵai jarqyldaidy. Jel soltústik-shyǵystan soǵady, kúndiz kei jerlerde 15-20 m/s.
17 sáýir kúndiz, 18-19 sáýirde táýlik boiy Jambyl oblysynyń kei jerlerinde naizaǵai jarqyldaidy. 18-19 sáýirde ońtústik-batystan soǵatyn jel soltústik-batysqa aýysady, kúshi kei jerlerde 15-20 m/s jetedi.
18 sáýirde kúndiz Tarazda naizaǵai jarqyldaildy. 18 sáýirde kúndiz, 19 sáýirde táýlik boiy ońtústik-batystan soǵatyn jel soltústik-batysqa aýysady, ekpini 15-20 m/s jetedi.
19 sáýirde Soltústik Qazaqstan oblysynyń kei jerlerinde jańbyr jaýyp sońy qarǵa ulasady, jaiaý burqasyn soǵyp, kóktaiǵaq bolady, tuman túsedi. Jel soltústikten, soltústik-shyǵystan soǵady, kúshi 15-20 m/s jetedi. Aýa temperatýrasy kúrt tómendep, túnde minýs 7-12 gradýs, kúndiz 0, -5 gradýsqa deiin bolady.
19-20 sáýirde Qaraǵandy oblysynyń kei jerlerinde jaýyn jaýyp sońy qarǵa ulasady, kóktaiǵaq bolady, tuman túsedi, 20 sáýirde jaiaý burqasyn soǵýy yqtimal. Soltústik-shyǵystan jel soǵady, 15-20 m/s kúsheiip, ekpini 23-28 m/s jetedi. 19 sáýirde túnde aýa temperatýrasy 3 gradýs aiazda 2 gradýs jylyǵa deiin kúrt tómendeidi. 20-21 sáýirde túnde 7-12 gradýs aiaz bolady.
20 sáýirde Shyǵys Qazaqstan oblysynyń kei jerlerinde qatty jaýyn jaýyp sońy qarǵa ulasady, kóktaiǵaq bolady, tuman túsip, jaiaý burqasyn soǵýy yqtimal. Soltústik-shyǵystan jel soǵady, kúshi 15-20 m/s, ekpini 23-28 m/s jetedi. 20 sáýirde aýa temperatýrasy kúrt tómendeidi, túnde 2-7 gradýs aiaz, kúndiz 3 gradýs aiazdan 2 gradýs jylyǵa deiin bolady. 21-22 sáýirde túnde 5-13 gradýs aiazǵa bolýy yqimal.
19 sáýirde kúndiz Aqtóbe oblysynda aýa temperatýrasy tómendep 5-10 gradýs bolýy múmkin. 20 sáýirde túnde 3-8 gradýs aiaz, kúndiz 2-7 gradýs jyly bolady. 19 sáýirde soltústik-batystan jel soǵady, kúshi 15-20 m/s bolyp, ekpini 25 m/s jetedi.
19 sáýirde túnde Qostanai oblysynyń kei jerlerinde jaýyn jaýyp sońy qarǵa ulasady, jaiaý burqasyn soǵady, kóktaiǵaq bolady, tuman túsýi múmkin. Jel soltústik-shyǵystan soǵady, kúshi 15-20 m/s bolyp, ekpini 23 m/s jetedi. 19 sáýirde aýa temperatýrasy kúrt tómendep túnde 3-8 gradýs aiaz, kúndiz minýs 3 gradýstan 2 gradýs jyly bolady.
19 sáýirde Aqmola oblysynyń kei jerlerinde jańbyr sońy qarǵa ulasady, jaiaý burqasyn soǵyp, kóktaiǵaq bolady, tuman túsýi múmkin. Jel soltústikten, soltústik-shyǵystan soǵady, kúshi 15-20 m/s jetedi. Aýa temperatýrasy túnde kúrt tómendep 5-10 gradýs aiaz, kúndiz 0, -5 gradýs sýyq bolady.
19 sáýirde Pavlodar oblysynyń kei jerlerinde jańbyr sońy qarǵa ulasady, jaiaý burqasyn soǵyp, kóktaiǵaq bolady, tuman túsýi múmkin. Soltústik-batystan soǵatyn jel soltústik-shyǵysqa aýysady, kúshi 15-20 m/s jetedi, ekpini 23 m/s. Aýa temperatýrasy kúrt tómendep túnde 2-7 gradýs aiaz, kúndiz 0, -5 gradýs sýyq bolady. 20-21 sáýirde túnde 7-12 gradýs aiaz bolady.
20 sáýirde Qyzylorda oblysynyń kei jerlerinde tuman túsýi múmkin. Soltústik-shyǵystan jel soǵady, kúshi 15-20 m/s jetip, ekpini 23-28 m/s bolady. 20 sáýirde túnde aýa temperatýrasy kúrt tómendep 2-7 gradýs bolady. 21 sáýirde túnde kei jerlerinde 3 gradýs úsik júredi.
