Ótken jyly elimizde qumar oiyndar men bás uiymdastyratyn kompaniialar men býkmekerlerdiń qyzmeti rekordtyq somaǵa jetti, dep habarlaidy "Ult aqparat".
Finprom.kz portalynyń málimetinshe, 2020 jyly qumar oiyndar men bás tigýdi uiymdastyrý qyzmetteriniń kólemi 78,6 mlrd teńgege jetken. Bul kórsetkish 2019 jylmen salystyrǵanda 6 esege kóp. Salystyrý úshin aitar bolsaq, 2019 jyly atalǵan sektordaǵy qyzmet kólemi 13,3 mlrd teńge bolatyn. Al 2020 jyldyń 4-toqsanynda ǵana qumar oiyndar men bás tigýdi uiymdary qyzmetiniń kólemi kúrt ósip, ne bári 4 aidyń ishinde 59,3 mlrd teńgege jetti.
Aita keterligi, 2019 jyly qumar oiyndar men bás tigý qyzmeti kóleminiń 86 paiyzy oiyn alańdary ornalasqan Almaty men Aqmola oblystaryna tiesi edi. Biraq, 2020 jyly jaǵdai kúrt ózgerip, bul óńirlerge qyzmet kóleminiń ne bári 19,8 paiyzy ǵana tiesili boldy.
Ótken jyly kósh basyna 58,2 mlrd teńgemen Almaty qalasy shyqty. Ońtústik astanada 2019 jylmen salystyrǵanda saladaǵy qyzmet kólemi birden 80,4 esege artqan. Odan keiingi orynda Almaty oblysy (12,2 mlrd teńge) men elorda (4,5 mlrd teńge) tur. Qumar oiyndar men bás tigý qyzmeti kóleminiń aitarlyqtai ósimi Aqmola (3,4 mlrd teńge) jáne Jambyl (1,1 mlrd teńge) oblystarynda baiqaldy.
