Búgin Qazaqstan boks federatsiiasynyń otyrysynda Federatsiia prezidenti Timýr Qulybaev bokstan ulttyq qurama bapkerlerin qatań synǵa aldy, dep habarlaidy "Ult aqparat".
Otyrys barysynda Timýr Qulybaev jaqynda Reseide ótken bokstan álem chempionatyndaǵy jaǵdaiǵa da toqtaldy. «Levitke qatysty ádiletsizdik boldy dep jatyrsyzdar. Endeshe, ol máseleni ýaqtyly, sol jerde kóterý kerek bolatyn. Al sizder búgin bizdi zańgerlik múmkindikten aiyryp otyrsyzdar. AIVA-ǵa da, Halyqaralyq Olimpiada komitetine de shyǵa almaimyz endi. Sebebi sizder reglamentti oryndamadyńyzdar! Sizder bizdiń bárimizdiń úmitimizdi aqtamadyńyzdar! Sol sebepti, sógis sizderge ádiletti túrde jariialandy. Áitse de, Álem chempionatyna boksshylardy jaqsy shyńdap barǵandyqtan, sizderdi syiaqydan aiyrǵan joqpyz. Aldaǵy ýaqytta bas bapker retinde tolyǵymen mindetińizdi oryndaýyńyz kerek. Búkil komandaǵa úlgi bolyp, adamdardy baǵyttaý qajet», - dedi Timýr Qulybaev .
Eske sala ketsek, Ǵalymbek Kenjebaev bastaǵan bokstan ulttyq quramanyń barlyq bapkerlerine sógis jariialanǵan bolatyn. Bul sheshimdi Qazaqstan boks federatsiiasynyń jattyqtyrýshylar shtaby Ekaterinbýrgtegi Álem chempionat nátijelerin saraptai otyryp qabyldady.
ÁCh-niń jartylai finalynda Vasilii Levittiń aiqasynda tóreshiler ekvadorlyq boksshynyń jeńisine kúmándi sheshim qabyldaǵan bolatyn. Levittiń sekýndanttary aiqastyń nátijesine narazylyq bildirýi kerek edi. Erejege sáikes, jattyqtyrýshylar tóreshilerge jekpe-jekten keiin 60 sekýnd ishinde sary qaǵaz berýi tiis. Biraq, sekýndandtar bul quqyqty birden paidalanbai, ýaqyt joǵaltyp alǵan.
