Kúltóbe qalashyǵy – Túrkistannyń bastaýy. Túrkistan qalasynda «Áziret Sultan» memlekettik tarihi-mádeni qoryq-murajaiynyń mańyzdy obektisi – «Kúltóbe qalashyǵy» zamanaýi arheologiialyq parkin qurý jumystary júrip jatyr. Ashyq aspan astyndaǵy murajaidyń jalpy aýmaǵy 27 ga quraidy.
Túrkistan oblysynyń ákimi Darhan Satybaldy jumys barysymen tanysyp, jaýapty basshylarmen kezdesti. Qurylystyń sapasyna basty nazar aýdarýdy tapsyrdy.
Qalashyqtyń barlyq jaǵynan Iasaýi kesenesi kórinedi. Qazir munda biiktigi 17 metr bolatyn shańyraq ispettes qondyrǵylardy ornatý jumystary júrip jatyr. Qondyrǵylar jergilikti klimatqa tózimdi. Bolashaqta arheologiialyq parktiń qonaqtary úshin sandyq tehnologiialar arqyly ejelgi zamanǵa saiahat jasaý múmkindigi týady.
Kúltóbe qalashyǵy ejelgi Iassy qalasynyń bir bóligi bolǵan. Joba memleketpen airyqsha qorǵalatyn aýmaqta, IýNESKO uiymynyń Dúniejúzilik mádeni muralar tizimine engizilgen Qoja Ahmet Iasaýi kesenesiniń ainalasynda iske asyrylatyndyqtan, qazirgi arheologiialyq zertteýler IýNESKO men IKOMOS uiymdarynyń dúniejúzilik mura salasyndaǵy halyqaralyq sarapshylar qaýymdastyǵymen yntymaqtastyqta júzege asýda.
Túrkistanda jergilikti aýa-raiyna qolaily sanalatyn qaraǵash pen terek egýge basymdyq beriledi. Kóktemgi aǵash egý naýqanynyń barysyn baqylaǵan Túrkistan oblysynyń ákimi Darhan Satybaldy oblys ortalyǵyndaǵy birqatar nysandardy aralady. Qalany kógaldandyrý baǵytynda atqarylyp jatqan is-sharalardy pysyqtady.
Óńir basshysy «Parasat», «Astana» saiabaqtaryn salý jáne rekonstrýktsiialaý barysyn, Túrkistan qalasynyń aýmaǵyn kógaldandyrý jáne abattandyrý aiasynda qolǵa alynǵan Maikotov kóshesi boiyndaǵy jelilik saiabaq qurylysy jumystaryn kórdi. Jumystar keler jyly tolyq aiaqtalmaq. 1615 sharshy metr asfaltbetondy jabyn, 3153 sharshy metr velojol, 13 716 sharshy metr jaiaý júrginshiler joly tóselýde. 2 myń sharshy metrden astam jerge gúl egiledi. 2,5 myń aǵash otyrǵyzylady. Qazirgi tańda saiabaqtyń jer jumystary tolyǵymen bitken. Sonymen qatar aiaq jol taqtaishalary, jaiaý júrginshilerge arnalǵan jol jáne velojoldardyń qurylys jumystarynyń 80% aiaqtalyp otyr.
