Foto: Atyraý oblystyq TJD
Qaýip tóngen aýmaqtarda tosqaýyl qoiý jáne jaǵa bekitý jumystary qarqyndy júrgizilip jatyr, dep habarlaidy Ult.kz inbusiness.kz-ke silteme jasap.
Jylyoi aýdandyq ákimdiginiń málimetinshe, Qulsaryǵa Atyraýdaǵy áskeri bólimderden 150-ge jýyq sarbaz kómekke keldi. Olar kúndiz-túni bógetterde kezekshilik etip, jaǵdaidy baqylaýda ustap otyr.
Sonymen qatar, Turǵyzba aýyldyq okrýginde sý tasqynyna qarsy sharalar qolǵa alyndy. Bul aýmaqta Mańǵystaý oblystyq tótenshe jaǵdailar departamentiniń 55 qyzmetkeri men 30 áskeri sarbaz jaǵa bekitý jumystaryna kiristi. Ár bógetke táýlik boiy kezekshilik qoiylyp, sý tasqynyna bailanysty jaǵdai turaqty baqylaýǵa alyndy.
18 naýryzdan bastap sý basý qaýpi bar aýmaqtardan tórt túlik maldy kóshirý jumystary bastaldy. Quzyrly organdar tasqyn saldaryn barynsha azaitý úshin tiisti sharalardy jalǵastyrýda.
