27 qyrkúiek kúni ótken Senat otyrysynda depýtat Ǵumar DÚISEMBAEV Qazaqstan Respýblikasynyń Premer-Ministri B.Á.Saǵyntaevtyń atyna depýtattyq saýal joldady.
Qazaqstan Respýblikasy
Premer-Ministri
B.Á. SAǴYNTAEVQA
Qurmetti Baqytjan Ábdiruly!
Memleket basshysy N. Nazarbaevtyń «Nurly jol – bolashaqqa bastar jol» atty Qazaqstan halqyna Joldaýynda airyqsha nazar aýdarylǵan kóliktik-logistikalyq infraqurylymdy damytý baǵytynda aýqymdy jumys atqarylýda. Salynyp jatqan jańa magistraldar bizdiń elimizdiń barlyq aimaqtaryn ortalyqpen bailanystyrady. Júk tasymaly jedeldep, el arqyly tranzit kólemi artýda.
Bul rette kólik qatynasynyń órkendeýine tyǵyz bailanysty qarqyndy damyp kele jatqan shekara mańyndaǵy Atyraý oblysy aýmaǵymen ótetin halyqaralyq tranzittik dálizderdiń josparlanyp otyrǵan kezeń-kezeńmen rekonstrýktsiiasy bolashaqta shekaralas memlekettermen kóp jaqty yntymaqtastyq sheńberinde óńirdiń tranzittik kúsh-qýatyn arttyryp, nátijesinde óńirdiń ekonomikalyq damýyna oń áserin tigizetini sózsiz.
Sonymen qatar aita ketetin másele, «Batys Eýropa – Batys Qytai» jobasyna qaraǵanda, «Aqtóbe-Atyraý-Astrahan» jobasynda eldi mekenderdiń ainalym joldary qarastyrylmaǵandyǵy.
«Aqtóbe-Atyraý-Astrahan» jáne «Atyraý-Oral» avtomobil joldarynyń tranzittik aǵymy Atyraý qalasynyń ishki joldary arqyly, Jylyoi aýdanynyń ortalyǵy Qulsary qalasynyń ishimen «Dossor-Qulsary-Aqtaý» joly ótýde. Ol tehnikalyq standarttarǵa sai kelmeidi jáne jol qaýipsizdik talaptaryn buzýǵa ákelýde. Saldarynda, oblysta tek 2016-2017 jyldary jáne 2018 jyldyń birinshi toqsanynda 74 jol-kólik oqiǵasy oryn aldy, 47 adam qaza taýyp, 142 adam túrli jaraqattar alǵan. Aldaǵy ýaqytta jol qozǵalystarynyń qarqyndaýyna bailanysty jol qaýipsizdigi máseleleri qiyndai túsetini aiqyn.
Ekinshi másele «Aqtóbe-Maqat» jol ýchaskesiniń rekonstrýktsiialaýǵa bailanysty respýblikalyq tas jol boiymen Qyzylqoǵa aýdany jáne ári qarai Aqtóbe oblysyna baǵyttalǵan Mańǵystaý oblysynan jáne Jylyoi aýdanynan shyqqan avtokólikter Maqat aýdanynyń Dossor aýylyn 260 shaqyrym ainalyp ótýge májbúr.
Atalǵan máselelerdiń keshendi túrde sheshilýi úshin, respýblikalyq menshikke berilgen jol jabyndysy tolyqtai buzylǵan jáne barlyq jerinde qurylymy tozǵan, uzyndyǵy 135shaqyrym «Qulsary-Muqyr» avtomobil jol ýchaskesin (jelisin) qaita qalpyna keltirý qajet. Bul bir jaǵynan, Aqtóbe qalasynan Aqtaý qalasyna deiingi joldy 120 shaqyrym qysqartýǵa jáne ekinshi jaǵynan, «Qulsary-Muqyr» jolyn qaita qalpyna keltirgen jaǵdaida, «Dossor-Qulsary» ýchaskesiniń rekonstrýktsiiasyna jáne bólek ainalym joldyń qurylysyna biýdjetten qosymsha shyǵyn shyǵarmaýǵa múmkindik beredi.
Osyǵan bailanysty joǵaryda atalǵan máselelerdi sheshý maqsatynda, sizden, Baqytjan Ábdiruly, «Aqtóbe-Atyraý-Astrahan» dálizi jobasyn júzege asyrý barysynda Atyraý qalasynyń ainalym joly qurylysy jáne Qulsary qalasynyń ainalym jolymen qosa «Muqyr-Qulsary» avtomobil jolyn rekonstrýktsiialaý múmkindigin qarastyrýyńyzdy suraimyz.
Qurmetpen,
Ǵ. DÚISEMBAEV
S. EŃSEGENOV
