Búgin Qanabek Baiseitov pen Kúlásh Beiseitovanyń qyzy Qarlyǵash Qanabekqyzy 83 jasyna qaraǵan shaǵynda ómirden ozdy. Bul týraly Abai atyndaǵy Qazaq ulttyq opera jáne balet teatrynyń baspasóz qyzmetinen málim etti, dep habarlaidy QazAqparat.
«Búgin Alashtyń bulbuly, qazaq operasynyń negizin qalaǵan Qanabek Baiseitov pen Kúlásh Beiseitovanyń qyzy 83 jasyna qaraǵan shaǵynda ómirden ozdy. Qarlyǵash Qanabekqyzy ómiriniń sońǵy kúnderine deiin Qazaqstannyń kásibi mýzykalyq óneri men teatrymyzdyń paida bolýy týraly baǵa jetpes tarihi derektermen jomarttyqpen bólise otyryp, ata-anasy jaily estelikterdi jadynda saqtady. Abai atyndaǵy Qazaq ulttyq opera jáne balet teatrynyń ujymy otbasy men týǵan-týystarynyń qaiǵysyna ortaqtasyp, kóńil aitady. Jarqyn beineńizdi, meiirimdiligińizben shynaiylyǵyńyzdy, ainalańyzdaǵy adamdardyń taǵdyryna jáne mýzykalyq ónerdiń tarihi murasyna bei-jai qaramaýy bizdiń júregimizde máńgi jadymyzda saqtalady», - delinedi teatrdyń kóńil aitý hatynda.
Eske alaiyq, Kúlásh Baiseiitova (1912-1957) — qazaqtyń áigili ánshisi (lirika-koloratýralyq soprano), qazaq opera óneriniń negizin salýshylardyń biri, qoǵam qairatkeri. KSRO halyq ártisi (1936). KSRO Memlekettik syilyǵynyń laýreaty (1948-1949).
Qanabek Baiseitov (1905-1979) — ánshi-akter, rejisser, dramatýrg, Qazaq mýzyka teatrynyń (qazirgi Qazaq opera jáne balet teatrynyń) negizin qalaýshylardyń biri, Qazaqstannyń halyq artisi (1936), Qazaqstan memlekettik syilyǵynyń laýreaty bolǵan.
