© Photo: Pixabay / Jupi Lu
Qapshaǵaida balabaqsha tárbielenýshisi soqqyǵa jyǵyldy. 1 jas 10 ailyq qyzdyń anasy tárbieshiler ony qulaǵynan tartyp, urǵanyn aitty, dep habarlaidy Sputnik Qazaqstan.
Áiel qyzynyń jaraqattary túsirilgen videony áleýmettik jelide jariialady.
Kadrda áiel qyzynyń qulaǵy men moiyny janyndaǵy jaraqattardy kórsetedi.
Onyń aitýynsha, qyzdyń bir qulaǵynyń tusyndaǵy terisi sydyrylyp qalǵan. Al samaiynyń janynda alaqannyń izi bar.
Qyzdyń anasy balabaqsha direktory bul faktti jasyryp otyrǵanyn aitty.
"Alaida men bul isti sońyna deiin jetkizemin", - dedi ol.
Almaty oblystyq politsiia departamenti osy oqiǵaǵa qatysty pikir bildirdi.
Vedomstvodaǵylar shaǵym 18 qarashada túskenin aitty.
"Óziniń shaǵymynda Qapshaǵai qalasynyń 28 jastaǵy turǵyny balasyna dene jaraqatyn keltirgen balabaqsha qyzmetkeriniń jaýapkershilikke tartylýyn suraǵan. Qazirgi kúni osyǵan qatysty sot-meditsinalyq saraptamasy taǵaiyndaldy. Budan keiingi protsessýaldyq áreketter mamandardyń qorytyndysyna bailanysty bolady", - dedi politsiiadaǵylar.
