Foto: instagram.com/ecomuseum.kz
Ekobelsendi Dmitrii Kalmykov "ArselorMittal Temirtaý" kompaniiasy ókilderiniń otyrysynda qulaǵyna nege kespe ilip alǵanyn túsindirdi, - dep habarlaidy Tengrinews.kz portaly.
Ekologtyń aitýynsha, performansqa "ArselorMittal Temirtaý" ókilderiniń aqparaty sebep bolǵan, onyń aitýynsha, kompaniia shań shyǵaryndylardy 20 paiyzǵa derlik azaitqan. Ol aqparattyń shyndyqqa janaspaitynyna senimdi.
"Biz muny tyńdap kele jatqanymyzǵa úsh onjyldyq boldy, al shyǵaryndylar naqty azaiǵan joq. Olardyń ziian shyǵaryndylary azaiǵanyn kózder de, muryn da, esepter de rastamaidy. Kenet olar shań shyǵaryndylaryn 20 paiyzǵa azaittyq dep málimdepti. Bul rette qazanda olar kóp mólsherde shyǵaryndylar úshin memleketten ruqsat suraǵan. Mundai áńgimelerge bizdiń kózqarasymyz birjaqty. Munyń bári shyndyqqa janaspaityn, senimsiz aqparat, jáne "Arselor" jurtshylyqty aldap keledi. Al biz mundai áńgimelerge óz kózqarasymyzdy kórsetip, arselorlyq kespeni qulaǵymyzǵa ilip qoidyq", - dedi Dmitrii Kalmykov.
Ekologtyń aitýynsha, kásiporyn basshylyǵy halyqpen bailanys jasap, zaýytqa kirýge múmkindik berýi qajet.
Eske salaiyq, buǵan deiin "ArselorMittal Temirtaý" ókilderiniń kezekti esep berý kezdesýinde qaraǵandylyq ekobelsendi Dmitrii Kalmykov erekshe performans jasaǵany habarlanǵan bolatyn. Ekolog qulaǵyna kespe ilip, kompaniiadan halyqty aldaýdy toqtatýdy talap etken.
